MJ Radio
Facebook Twitter Youtube Skype
Flag

‘संजू’ बलिउडकै धेरै कमाउने फिल्म बन्यो

Published Date: 2018-07-02 00:00:00



संजय दत्तको बायोग्राफी फिल्मले पहिलो विकेण्डका तीन दिनमा ११७ करोडको कमाइ गर्दै सबैभन्दा धेरै कमाइ गर्ने बलिउड फिल्म बनेको हो । यसअघि पहिलो विकेण्डमा सबैभन्दा धेरै कमाउने बलिउड फिल्म सलमान खानको टाइगर जिन्दा है थियो । टाइगर... ले पहिलो विकेण्डमा ११५ करोड कमाएको थियो । रणवीर कपुरको फिल्म ‘संजू’ पहिलो विकेण्डमा ट्रेड एनालिस्ट रमेश बालाले संजूले सुरुका ३ दिनमा ११७ करोड कमाइ गरेको पुष्टि गरे । उनका अनुसार संजूले तेस्रो दिन आइतबार ४३.६५ करोड कमाइ गरेको छ ।

पहिलो दिन ३४.७५ करोड कमाइ गरेको संजूले दोस्रो दिन ३८.२५ करोड कमाइ गरेको थियो । संजू भारतभर ४ हजार स्क्रिनमा रिलिज भएको छ । विदेशमा १३०० स्क्रिनमा संजू रिलिज भएको थियो । कूल ५३०० स्क्रिनमा रिलिज भएको संजूको सिंगल स्क्रिन थिएटरमा पनि निकै ठूलो परिमाणमा एडभान्स बुकिङ भइरहेको छ ।
यद्यपि संजू पहिलो विकेण्डमा सबैभन्दा धेरै कमाइ गर्ने भारतीय फिल्म भने बन्न सकेन । भारतका सबै फिल्म उद्योगमध्येमा पहिलो विकेण्डमा सबैभन्दा धेरै कमाइ गर्ने फिल्म भने बाहुबली हो । तर, बाहुबली भने बलिउड फिल्म नभइ दक्षिण भारतीय फिल्म हो । बाहुबलीले पहिलो विकेण्डको ३ दिनमा १२८ करोड कमाइ गरेको छ । संजय दत्तकोसबैभन्दा धेरै कमाइ गर्ने भारतीय फिल्म भएको हॊ।

loading...